(14 қазаннан) Қазақстан бойынша Иран геометрия олимпиадасының іріктеу кезеңінің нәтижелері

Жариялау күні: 2026-10-07

14 қазандағы жаңарту:

1. Өтініштерге берілген жауаптар
2. Негізгі кезеңге өткен қатысушылардың тізімін сол кестенің төменгі бөлігінен қараңыз.
3. Негізгі кезеңнің өткізілу тәртібі туралы ақпаратты алдыңғы хабарландырудан қараңыз: https://matol.kz/announce/276. Естеріңізге саламыз, бұл кезең осы жұма күні сағат 15:00-де өтеді.
4. Сондай-ақ мектептеріңізге ұсыну үшін растау хатын жүктеп ала аласыздар: Растау хаты.

13 қазандағы жаңарту:

Иран олимпиадасының іріктеу кезеңіне қатысушылар, құрметті оқушылар! Іріктеу кезеңінің нәтижелерін жариялаймыз:

Іріктеу кезеңінің түпкілікті нәтижелері.

Кестенің басында дұрыс жауаптар жарияланған. Апелляцияны бүгін, 13 қазанда, сағат 23:00-ге дейін беруге болады.

Апелляцияны тек мына жағдайларда беруге болады:

Сіз дұрыс жауапты жауап парағын толтыру ережелерін сақтай отырып белгіледіңіз (тиісті дөңгелекшені толық боядыңыз), бірақ жауап есепке алынбады.
Тегіңізде немесе атыңызда қате бар.
Сіз олимпиадаға қатыстыңыз, бірақ нәтижелер тізімінде жоқсыз.

Апелляция беру үшін мына сілтемеге өтіңіз: https://forms.gle/NTFJhKGNsLzSxS4r8

Ескертулер:

Өтініштеріңіз қаралғаннан кейін нәтижелерге өзгерістер енгізілсе, олар кестеде көрсетіледі. Электрондық поштаға жеке жазбаша жауап жіберілмейді.
Қатысушылардың жауаптары өзгертілсе, басқа қатысушылардың рейтингі де өзгеруі мүмкін.
Жауап парақтарының сканерленген көшірмелеріне сілтемелер тек бүгін қолжетімді болады.
Қалыптасқан халықаралық тәжірибеге сәйкес, әр лигадағы сертификаттар мен дипломдарда тек қатысушының тегі мен аты көрсетіледі. Сыныбы, мектебі және мектеп орналасқан қала көрсетілмейді.

14 қазанда негізгі кезеңге өткен қатысушылардың тізімі жарияланады. Барлық сертификаттар (оның ішінде жазбаша кезең үшін берілетін сертификаттар да) тіркелу сайтының smart-arena.kz жеке кабинеттеріне жіберіледі. Жүлделі орындарға ие болған қатысушылардың дипломдары да сол жерде қолжетімді болады.

Комментарий(0)