Физикадан аудандық олимпиада, 11 сынып, Тәжірибелік тур, 2018-2019 оқу жылы

Линзаны зерттеу (10 ұпай)

Құралдар мен жабдықтар: қысқыштары бар штатив, симметриялы қосдөңес линза, жазық айна, су, өлшеуіш сызғыш, қарындаш.
Тапсырма: симметриялы қосдөңес линза жасалған шынының сыну көрсеткішін анықтаңыз. Судың сыну көрсеткіші $\eta_{\text{су}}=1,33.$
Нұсқау: Тәжірибелік сайыстың тапсырмаларын орындаған кезде:

• тәжірибені жасау әдісіңізді баяндап, есептеу өрнектерін келтіріңіз;
• тәжірибенің және аралық есептеулердің нәтижелерін жазатын кесте дайындап, оны толтырыңыз;
• қажетті тәжірибелерді жасап, өлшеулерді жүргізіңіз;
• алған нәтижелердің негізінде іздеп отырған шаманы есептеңіз;
• есептеулердің қателіктерін анықтаңыз және соңғы нәтижені жазыңыз, орындалған жұмыстар жөнінде қортындылар жасаңыз.